Баярава Алена Валянцінаўна

У 1994 годзе скончыла Беларускую акадэмію мастацтваў (майстэрня прафесара А.А.Каляды) па спецыяльнасці "актрыса драматычнага тэатра, кіно, чытальнік". Дыпломныя спектаклі: "Лялечны дом" Г.Ібсэна, пастаноўка У.Баркоўскага - Нора; "Бяда ад пяшчотнага сэрца" Ф.Салагуба, пастаноўка Б.Уторава - Машанька; "Еўфрасіння Полацкая" У.Арлова, пастаноўка Г.Давыдзькі - Еўфрасіння Полацкая; "Рок-н-рол на саломе", пастаноўка Г.Давыдзькі - Зоська; монаспектакль "Ля самага мора…" паводле Г.Ахматавай, пастаноўка Ф.Варанецкага. З 1994 па 1999 год працавала ў Белдзяржфілармоніі. Удзельнічала ў спектаклях тэатра "Бульвар смеха": "Рок-н-рол на саломе", пастаноўка Г.Давыдзькі - Зоська; "Вясёлыя жабракі", пастаноўка С.Кавальчыка; "Развясёлае пузырылішча", пастаноўка Г.Давыдзькі - Прынцэса. Працавала ў тэатры "Гоша" у спектаклях: "Зоркі сёмага неба", пастаноўка Г.Давыдзькі - Лялька Эля; "Прыгоды Біма і Бома на паўднёвым полюсе", пастаноўка Г.Давыдзькі - Прынцэса; "Чароўныя прыгоды ў навагоднюю ноч" - Ліхадзейка. З 1998 года працуе ў РТБД. Іграла ў спектаклях: "Узлёт Артура Уі, які можна было спыніць"Б.Брэхта, пастаноўка В.Мазынскага; "Барбара Радзівіл"Р.Баравіковай, пастаноўка В.Мазынскага - Еўка; "Стомлены д'ябал" С. Кавалёва, пастаноўка Р.Таліпава - Суседка; "Рычард" У.Шэкспіра, пастаноўка В.Анісенкі - Ганна.

  На цяперашні момант занятая ў спектаклях: "Містэр Розыгрыш" С.Кандрашова, пастаноўка В.Расстрыжэнкава - Света; "Чорны квадрат" М.Адамчыка, М.Клімковіча, пастаноўка А.Гарцуева - Афіцыянтка; "Хрустальны туфлік" Ш.Перо, Я.Шварца, Т.Габэ, пастаноўка С.Кавальчыка - Золушка; "Адвечная песня"Я.Купалы, пастаноўка С.Кавальчыка - Сялянка; "Айбаліт, Бармалей, пра жывёл і Брадвей" У.Аксенкруга, пастаноўка С.Кавальчыка - Кабыла, Котка; "П'емонцкі звер" А.Курэйчыка, пастаноўка В.Анісенкі - Сястра Вянтурыя; "Нязваны госць" С.Бартохавай - Яна; "Воўк-мараплавец" С.Казлова - Ліса, "Майстар галадання" Т.Ружэвіча - Жонка імпрэсарыо; "Белы анёл з чорнымі крыламі" Д.Балыка - Ніна Віч; "Дамавічкі" Я.Конева - Мара; "Іванаў" А.Чэхава - Аўдоцця Назараўна.