Ласоўскі Валерый Аляксандравіч

Нарадзіўся ў 1945г. Скончыў Беларускі тэатральна-мастацкі інстытут. Працаваў артыстам у тэатрах Расіі, а таксама ў Дзяржаўным рускім драматычным тэатры БССР імя М.Горкага. У 1973г. стаў лаўрэатам Усесаюзнага конкурсу імя Ул.Яхантава (Ленінград). У гэты ж час актыўна супрацоўнічаў з Беларускім тэлебачаннем у якасці сцэнарыста і вядучага папулярных музычных праграм: "Як вам падабаецца…" і "Сустрэнемся пасля адзінаццаці".
З 1975г. па 1994г. працуе артыстам-чытальнікам у Беларускай дзяржаўнай філармоніі. З 1994г. па 1999г. - мастацкі кіраўнік Мазырскага драматычнага тэатра імя І.Мележа, у 2000-2002гг. - галоўны рэжысёр Магілёўскага абласнога тэатра драмы і камедыі імя В.І.Дуніна-Марцынкевіча (г. Бабруйск). З 2003г. па 2004г. - мастацкі кіраўнік Мінскага абласнога драматычнага тэатра (г.Маладзечна).
У 2003г. паставіў на сцэне РТБД спектакль "І рэха адказала - ты…" паводле п'есы маладога драматурга А.Карэліна.
З верасня 2004 года працуе акцёрам РТБД.
Узнагароджаны дыпломамі міжнародных тэатральных фестываляў "Славянскія тэатральныя сустрэчы" (г.Гомель), "Класіка сёння" (г.Днепрадзяржынск, Украіна).

З верасня 2004 года працуе акцёрам РТБД. Заняты ў спектаклі "Валянціна" паводле п'есы А.Вампілава "Мінулым летам у Чулімску" - Памігалаў; "Кабала святош (Мальер)" М.Булгакава - Маркіз дэ Шарон; "Трыбунал" А.Макаёнка - Цярэшка па мянушцы "Калабок"; "Ганна ў тропіках" Н.Круза - Санцьяга; "Кароль Лір" У Шэкспіра - Герцаг Корнуал; "Іванаў" А.Чэхава - Шабельскі.