Паршын Дзяніс Аляксандравіч

Нарадзіўся ў 1980 годзе ў г.Прыпяць. Жыў ў горадзе Маладзечна, дзе займаўся ў тэатры-студыі "ТэСт" пад кіраўніцтвам Таццяны Бабей. У 2003г. скончыў Беларускі дзяржаўны універсітэт культуры па спецыяльнасці "рэжысура драмы" (майстэрня М.Абрамава). Удзельнічаў у студэнцкіх пастаноўках: "Заўтра была вайна" Б.Васільева, пастаноўка М.Абрамава - Арцём Шэфер; "Вольныя псы" паводле аповесці К.Сергіенкі "До свидаья, овраг", пастаноўка М.Абрамава - Горды. У РТБД працуе са снежня 2003 года.

 Прымае ўдзел у спектаклях: "Хрустальны туфлік" Ш.Перо, Я.Шварца, Т.Габэ, пастаноўка С.Кавальчыка - Прынц; "Айбаліт, Бармалей, пра жывёл і Брадвей" У.Аксенкруга, пастаноўка С.Кавальчыка - Цёпа; "Адвечная песня" Я.Купалы, пастаноўка С.Кавальчыка - Хлопец; "Кабала святош" М.Булгакава - Філібер дзю Круазі, Маркіз дэ Лесак; "Трыбунал" А.Макаёнка - Валодзька; "Воўк-мараплавец" С.Казлова - Варона, "Кароль Лір" У.Шэкспіра - Кароль Французскі; "Шлях у Царград" З.Косціча - Муцімір Багамолаў, Жоўтая маска, Гуру, Сведка "А"; "Іванаў" А.Чэхава - Львоў.