Шыпіла Вера Яўгенаўна

  У 1996 годзе скончыла Беларускую Акадэмію мастацтваў па спецыяльнасці "акцёр драмы і кіно", майстар курса - Андросік А.Ф. З 1998 года працавала ў тэатры "Вольная сцэна". Сыграла ролі ў наступных спектаклях: "Развітанне з Радзімай" А.Паповай - Жонка; "Містэр Розыгрыш" С.Кандрашова, пастаноўка В.Расстрыжэнкава - Света, "Стомлены д'ябал" С.Кавалёва, пастаноўка Р.Таліпава -Дзеўка; "Узлёт Артура Уі, які можна было спыніць" Б.Брэхта, пастаноўка В.Мазынскага - Удава; "Дзіця з Батлеема" паводле Новага запавету, сцэнічная ідэя і пастаноўка М.Пінігіна - праца з лялькамі; "Чорны квадрат" М.Адамчыка, М.Клімковіча, пастаноўка А.Гарцуева - Афіцыянтка. З 2001 года працавала ў антрэпрызе "Вольная сцэна", іграла ў спектаклях: "Прынц Мамабук" А.Дударава, пастаноўка В.Мазынскага - Люська; "Чорт і баба" Ф.Аляхновіча, пастаноўка В.Мазынскага - Жонка. У Рэспубліканскім тэатры беларускай драматургіі працуе з 2004 года. Прымае ўдзел у спектаклі "П'емонцкі звер" А.Курэйчыка, пастаноўка В.Анісенкі - Манахіня; "Кабала святош" М.Булгакава - Манашка; "Трыбунал" А.Макаёнка - Галя; "Белы анёл з чорнымі крыламі" Д.Балыка - Анжэліка; "Іванаў" А.Чэхава - Бабакіна.