Сігаў Ігар Аляксеевіч

 Артыст, вядучы майстар сцэны. У 1994 годзе скончыў Беларускую акадэмію мастацтваў. Больш за 10 гадоў працы ў Рэспубліканскім тэатры беларускай драматургіі сыграў больш за 20 роляў, сярод іх галоўныя ролі ў спектаклях "Балада пра Бландою" С.Кавалёва, рэж. А.Гузій; "Макбет" В.Шэкспіра, рэж. В.Анісенка; "Рычард" В.Шэкспіра, рэж. В.Анісенка; паставіў сцэнбаі ў спектаклях "Песні ваўка" В.Паніна, рэж. У.Арлоў; "Містэр Розыгрыш" (Аляксей), "Узлёт Артура Уі, які можна было спыніць" (Артур Уі), "Апошняя пастараль" (Ён), "Стомлены д'ябал" (Д'ябал), "Адэль" (Захараў), "Чарнобыльская малітва" (Сакратар райкама) і інш. Яго апошнімі ролямі ў тэатры з'яўляецца роля Мужыка ў спектаклі "Адвечная песня" паводле Я.Купалы (рэж. С.Кавальчык), ролі Містэра Піта, Бармалея, Ільва ў дзіцячым мюзікле-пародыі "Айбаліт, Бармалей, пра жывел і Брадвей" Ул.Аксенкруга (рэж. С.Кавальчык). У спектаклі "П'емонцкі звер" А.Курэйчыка (рэж. В.Анісенка) выканаў ролю Рыцара Жафрэя, у спектаклі па п'есе Караль Фрэшэт "Жан і Беатрыса" выканаў ролю Жана, а таксама з'яўляецца пастаноўшчыкам пластыкі гэтага спектакля; у спектаклі"Ганна ў тропіках" Ніла Круза выканаў ролю Хуана Хуліян; у спектаклі "Валянціна" А.Вампілава -Шаманаў; "Кароль Лір" У.Шэкспіра - Эдгар; "Шлях у Царград" Зорана Косціча - Стах Горскі; "Іванаў" А.Чэхава - Іванаў.

 Здымаўся ў фільмах: "Небо и земля", "Закон", "Из ада в ад", "Вокзал", "Команда", "Апошні браняпоезд".

 Прыродная арганіка, рэдкая працаздольнасць, уменне мысліць вызначаюць цікавую шматгранную індывідуальнасць артыста. За творчыя дасягненні неаднаразова атрымліваў узнагароды разнастайных фестываляў, Саюза тэатральных дзеячаў, Міністэрства культуры Рэспублікі Беларусь.